नमस्कार मित्रहो..
घरीच राहू या... सुरक्षित राहू या ..
प्रवास.. जगलो तर जगण्याचा, मेलो तर मरणाचा.
अधीर मनाची विस्तृत भावना
कोठे जातोय कुणास कळेना
प्रवास मृत्युचा की जगण्याचा
हरण्याचा की जिंकण्याचा
पळण्याचा की थांबण्याचा
प्रवास.. जगलो तर जगण्याचा, मेलो तर मरणाचा.
आहे सतत भितीचा
फक्त नित्य कसोटीचा
अनवाणी पावलांनी चालण्याचा
पोराबाळांच्या सोबतीचा
तहान भुकेने तडपण्याचा
प्रवास.. जगलो तर जगण्याचा, मेलो तर मरणाचा
नित्य नव्या प्रश्नाचा
सतत धडपडण्याचा
स्वकियाचे हाल पाहण्याचा
नव्हे हाल सोसण्याचा
नित्य नव्या अनुभवाचा
प्रवास.. जगलो तर जगण्याचा, मेलो तर मरणाचा
अनामिका (PMJ)
No comments:
Post a Comment