थोडा विचार 'करो ना' काव्यमाला 9

नमस्कार मित्रहो..
घरीच राहू या... सुरक्षित राहू या ..
तु फक्त खचू नकोस....

धीर बन स्वता:चा, फक्त तु खचु नकोस

काहीही बिघडल नाही अजुन, मागे तु वळू नकोस

आजवर जे दॆवू केलय नियतीने, ते आज दुर सारू नकोस

कर्म देतय, उपकार नाहीत ते, तु घोर जिवाला लावू नकोस

विश्वास ठेव तो नाही सोडणार हात तुझा, तु फक्त खचू नकोस....

थोडा विचार 'करो ना' काव्यमाला 8

नमस्कार मित्रहो..
घरीच राहू या... सुरक्षित राहू या ..
प्रवास.. जगलो तर जगण्याचा, मेलो तर मरणाचा.

अधीर मनाची विस्तृत भावना
कोठे जातोय कुणास कळेना
प्रवास मृत्युचा की जगण्याचा
हरण्याचा की जिंकण्याचा
पळण्याचा की थांबण्याचा
प्रवास.. जगलो तर जगण्याचा, मेलो तर मरणाचा.

आहे सतत भितीचा
फक्त नित्य कसोटीचा
अनवाणी पावलांनी चालण्याचा
पोराबाळांच्या सोबतीचा
तहान भुकेने तडपण्याचा
प्रवास.. जगलो तर जगण्याचा, मेलो तर मरणाचा

नित्य नव्या प्रश्नाचा
सतत धडपडण्याचा
स्वकियाचे हाल पाहण्याचा
नव्हे हाल सोसण्याचा
नित्य नव्या अनुभवाचा
प्रवास.. जगलो तर जगण्याचा, मेलो तर मरणाचा

अनामिका (PMJ)

थोडा विचार 'करो ना' काव्यमाला 7

नमस्कार मित्रहो..
घरीच राहू या... सुरक्षित राहू या ..

भारतीय आम्ही आमच्याकडे सार्‍या जगाच लक्ष आहे.
कोरोना तुला हरवायला, आम्ही सारेच दक्ष आहे

कर्तव्यदक्ष डाॅक्टर्स आमुचे, रात्रंदिवस सज्ज आहे
जीवाची पर्वा न करता, परिचारिका राबत आहे
सफाई कर्मचारी आपले कार्य, ईमानाने करत आहे
भारतीय आम्ही आमच्याकडे सार्‍या जगाच लक्ष आहे.
कोरोना तुला हरवायला, आम्ही सारेच दक्ष आहे

पोलीस आमुचा लठवय्या, अजुनदेखील थकला नाही
समाजसेवक आमुचा, अजुनही सजग आहे
सिमेवरच्या शत्रुवर, याही परिस्थीतीत वचक आहे
भारतीय आम्ही आमच्याकडे सार्‍या जगाच लक्ष आहे.
कोरोना तुला हरवायला, आम्ही सारेच दक्ष आहे

शास्त्रज्ञ अामुचे लस शोधण्यात, सतत व्यस्त आहे
शासन कर्मचार्यासह नियमित कार्यमग्न आहे
जनतेच्या धैर्याच तर कौतुच कौतुक आहे
भारतीय आम्ही आमच्याकडे सार्‍या जगाच लक्ष आहे.
कोरोना तुला हरवायला, आम्ही सारेच दक्ष आहे

अनामिका (PMJ)

थोडा विचार 'करो ना' काव्यमाला 6

नमस्कार मित्रहो..
घरीच राहू या... सुरक्षित राहू या ..

जुन तेच नव होतय, बघा युग कस बदलतय...

रामायण महाभारत आवडीने बघतोय
जुन्या आठवणी नव्याने मुलानां सागतोय
जुन तेच नव होतय, बघा युग कस बदलतय..

जुने फोटो सवडीने पाहतोय
त्यातील नाती मुलानां समजावतोय
जुन तेच नव होतय, बघा युग कस बदलतय..

पुर्वी हातपाय धुवूनच गुळपाणी देवून घरात प्रवेश होता
आज बाहेरून आल्यावर स्वत:ला सॅनिटाइज करतोय
हातपाय धुतोय, अंघोळही करतोय
जुन तेच नव होतय, बघा युग कस बदलतय..

अंतर ठेवून राहू लागलोय, अंतर ठेवून बोलू लागलोय
संपर्कातील मंडळीन बरोबर, फोनवरच बोलू लागलोय
वृद्ध मंडळी आराम तर जवान सगळी कामे करताय
जुन तेच नव होतय, बघा युग कस बदलतय..

पुर्वीसारखे एकत्र जेवू लागलोय, प्रत्येकाच्या आवडी निवडी समजु लागलोय..
एकत्र प्रार्थनेची ताकद कळतेय,एकत्र शुभमंकरोती म्हणू लागतोय
जुन तेच नव होतय, बघा युग कस बदलतय
बघा युग कस बदलतय.....

अनामिका (PMJ)

थोडा विचार 'करो ना' काव्यमाला 5

नमस्कार मित्रहो..
घरीच राहू या... सुरक्षित राहू या ..
भारत माते तुझ्या चरणी लीन झालोय..

हेलावल मन आज सुन्न झालोय, भारत माते तुझ्या चरणी लीन झालोय..
तुझीच लेकर आहोत..बघ जरा आमुच्याकडे
थांबव हा तांडव, बघ जरा स्वता:कडे..
चुक आहे आमुची, म्हणुन इतक का नाराज व्हायचय?
लेकरू आहे तुझच, म्हणुन माफ नाही का करायचय?
हेलावल मन, आज सुन्न झालोय,भारत माते तुझ्या चरणी लीन झालोय..

तु निर्माण केलेल सगळं दिलस आमुच्याकडे
मग आजच का हवंय सगळ तुला तुझ्याकडे?
आमुच्याशिवाय सांग तु, एकटीनं कस जगायचय?
लेकरू आहे तुझच, म्हणुन माफ नाही का करायचय?
हेलावल मन, आज सुन्न झालोय,भारत माते तुझ्या चरणी लीन झालोय..

शिकवणीचा हा धडा चागलाच लक्षात राहील अलिकडे
यानंतर खरच सांगतो काहीच मागणार नाही तुझ्याकडे
मला परत हसत, खेळत, सर्वानंसोबत जगायचय..
लेकरू आहे तुझच, तुला माफ नाही का करायचय?
हेलावल मन, आज सुन्न झालोय,भारत माते तुझ्या चरणी लीन झालोय..
अनामिका (PMJ)

थोडा विचार 'करो ना' काव्यमाला 4

नमस्कार मित्रहो..
घरीच राहू या... सुरक्षित राहू या ..
ये कह के दिल ने मेरे हौसले बढाए है।
गमों की धूप के आगे खुशी के साए है।
कोरोनामुळे काय झाले याचा विचार करतांना या आपत्तीने आपण काय शिकलो? हे पण खूप महत्वाचे आहे. शेवटी काहीही झाले तरी मनाने मात्र हार मानू नये, हेही तितकेच महत्वाचे...

संकटाने आम्हाला काय शिकवल ?
सर्वप्रकारचे मोठ्याप्रमात प्रदुषण करणारे आम्ही,
संकटान निसर्गाच सुंदर रुप पहायला शिकवल...

सौंदर्य प्रसाधने व ब्युटी पार्लरवर खर्च करणारे आम्ही,
संकटान साधी राहणीमानच महत्व शिकवल..

बडेजावपणासाठी बाहेर होटलींग करणारे आम्ही,
संकटान घरच्या अन्नाची चव चाखायला शिकवल..

लहान-मोठ्या कार्यक्रमावर अवास्तव खर्च करणारे आम्ही, संकटान साधेपणान सोहळा करायला शिकवल..

घरासाठी जगुनही कधीही घरी न राहणारे आम्ही,
संकटान आपल्या माणसांना जवळून ओळखयला शिकवल...

जगण्यासाठी ध्येयावेडे बेधूंदपणे वागणारे आम्ही, संकटान जगण्यासाठीच थांबायला शिकवल...

आर्थीक, भावनिक, मानसिक,सामाजिकरित्या अपूर्ण असणारे आम्ही,
संकटान आम्हाला स्वयंपूर्ण होण्यास शिकवल
स्वयंपूर्ण होण्यास शिकवल....
अनामिका (PMJ)

थोडा विचार 'करो ना' काव्यमाला 3

नमस्कार मित्रहो..
घरीच राहू या... सुरक्षित राहू या ..

"सद रक्षणाय, खल निग्रहणाय" अस म्हणत आमचा वर्दीतला माणूस लढतोय... तो कधीच पाहत नाही जात अन् धर्म देशाचे रक्षण करणे एेवढेच ते काय त्याचे कर्म
वर्दीतला माणूस खंबीरपणे उभा असतो, म्हणून गर्दीतला माणूस मनसोक्त जल्लोष करू शकतो.!
सदैव दक्ष खाकी वर्दीतल्या कर्तव्यदक्ष पोलीस माणसा तुला सलाम.....

आमचा वर्दीतला माणूस लढतोय...

भुक तहान विसरून, उन्हातान्हात भिरतोय
दिवस रात्र माहीत नाही, प्रत्येक क्षणी झिजतोय
आमचा वर्दीतला माणूस लढतोय...

कोरोनाच्या या संकटाशी, रोज दोन हात करतोय संकटाला आपल्या घरात न येवू देता, दारातच नडतोय
आमचा वर्दीतला माणूस लढतोय...

चुकणाऱ्या शिक्षा,भुकेलेल्याला अन्नदान करतोय
जनजागृती करण्याकरता नवनवीन युक्त्या काढतोय
आमचा वर्दीतला माणूस लढतोय...

बरेच दिवस स्वगृही न जाता तो देशसेवेच व्रत करतोय कधी पोलीस स्टेशन, कधी रूग्णालय, कधी रस्त्यावर तास अन् तास डूव्टी करतोय.
आमचा वर्दीतला माणूस लढतोय...

ईमानदारीने जगतो, देशाची आन बान शान राखतोय
जबादारी मोठी समाज रक्षण्याची कर्तव्यदक्षतेने निभावतोय
आमचा वर्दीतला माणूस लढतोय...
अनामिका (PMJ)
16-04-2020