'नारी तू नारायणी' आठवे पुष्प.... 🙏

घण्टानाद हमें देता नित्य जागृति वत्सले।

निद्रा आलस्य में खोवे अमोल क्षण ना कदा।।९।।

भारतीय संस्कृतीत घंटा हा एक अविभाज्य घटक आहे. प्राचीन काळापासून मंदिरात आणि पूजेच्या वेळी घंटांचा वापर केला जात आला आहे. त्यांचा गंभीर आणि गुंजणारा आवाज आपल्याला एक प्रकारे जागृत करतो; तो आपल्याला आठवण करून देतो की, देवाने दिलेल्या अमूल्य वेळेचा अपव्यय झोपेत किंवा आळसात करू नये. आपली कर्तव्ये विसरणे, ही देखील एक प्रकारची 'झोप'च आहे. आळस म्हणजे अशी अवस्था, ज्यात माणूस जागा असूनही खऱ्या अर्थाने सतर्क नसतो. अनेकदा कामे पुढे ढकलण्याची आपल्याला सवय जडते. मानवी जीवन ही एक दुर्मिळ देणगी आहे; जेव्हा हे जीवन राष्ट्रासाठी समर्पित केले जाते, तेव्हाच त्याच्या अस्तित्वाचा खरा उद्देश पूर्ण होतो. शिवाय, संगीताचा उगमच मुळात 'नाद' (ध्वनी) या तत्त्वातून झाला आहे.