नारी ही कुटुंब, समाज आणि संसाराची पालनपोषण करणारी शक्ती आहे. म्हणूनच आपल्या सांस्कृतित 'स्त्री' ला शक्तीचे प्रतीक मानले जाते. तिचा नेहमीच आदर आणि सन्मान केला जातो स्त्रीच्या बुद्धिमत्तेला, ज्ञानाला आणि तिच्या त्यागाला उच्च स्थान दिले जाते.नारी तू फक्त एक सामान्य नारी नाहीस तर तुझ्यात अपार शक्ती आहे. "हे स्त्री (नारी), तू थेट श्रीविष्णूची किंवा ईश्वराची शक्ती (नारायणी) आहेस" शारदीय नवरात्री पूजन हे त्याचाच एक भाग आहे.
पण नारी ते नारायणी हा प्रवास खूप सोपा नाही. तो कसा करावा, कसा असावा, हे सांगणारी देखील स्त्री शक्ती देवीच आहे. तिच्या रूपातूनच ती आपल्याला खूप काही शिकवते. प्रत्येक स्त्री कशी असावी तर ती आदिशक्ती देवी 'अष्टभुजा' सारखी असावी....
राष्ट्र सेविका समितीत देखील समाजकार्य करताना प्रत्येक सेविकेचे प्रेरणास्थान हे देवी अष्टभुजा आहे.
*नमो अष्टभुजे देवि, लक्ष्मी पार्वती शारदे बुद्धिवैभव दो मातर्, हमें दो शक्ति सर्वदे*
हे आदिशक्ती देवी अष्टभुजे, देवी लक्ष्मी, देवी पार्वती, देवी शारदा तू आम्हा सर्वना शक्ती दिलीस पण ती वापरण्याची बुद्धी दे... असा याचा थोडक्यात भावार्थ म्हणजेच.. कोणाकडे कितीही विद्या असू देतं, ती त्या त्या व्यक्तीजवळ राहिली तर त्याचा काही उपयोग होत नाही.
कोणाजवळ कितीही धन असू देतं पण ते कोणत्या मार्गाने कमावले हे महत्वाचे आणि त्याचा वापर कश्यासाठी होतोय तेही महत्वाचे नाहीतर त्याचा काही उपयोग नाही त्यामुळे हे देवी तू आम्हाला 'बुद्धीचे वैभव दे' जे सर्वशेष्ट आहे त्यामुळे आम्ही भ्रष्ट होणार नाही पैसा, बुद्धी, आणि शक्ती चा योग्य, नियोजित,अचूक वापर होईल आणि आत्मिक, सामाजित, सार्वजनिक विकास होईल
नारी ते नारायणी प्रवासात पाहिली शिकवण बुद्धीचे वैभव ही आहे..... धन्यवाद 🙏
✍️सौ पुजा जहागीरदार (PMJ)
